Igrom i pjesmom kroz bivše republike SFRJ

Koncert Folklornog Ansambla „Rumija“-Bar održan je 21.12.2018.godine u sali Doma kulture Bar.

Sala je bila rekordno puna i bila je tijesna da primi sve zainteresovane, a jedan veliki dio publike stojao je na noge dok je program trajao.

„Koncert je bio s temom „Igrom i pjesmom kroz bivše republike SFRJ. Otpočeo je pjesmom „Od Vardara pa do Triglava“ gdje se više od 200 Rumijaša predstavilo mini Sletom, unošenjem štafete, a zatim dramatičnim prikazom raspada nekadašnje domovine,  gdje su članovi bili obučeni u različitim nošnjama bivših republika“, istakli su iz KUD „Rumija“.

Publika je pjevala u glas „Druže Tito mi ti se kunemo“, „Računajte na nas“…

Smjenjivale su se igre i pjesme iz svih republika. Odigrano je 17 koreografija gdje su se predstavile sve postave ansambla od 3-60godina.

„Gledaoci si su prisjetili nekih drugih vremena, bilo je i suza, emocija. Koncert se završio tako što su svi članovi izašli na scenu i otpjevali zajedno sa publikom pjesmu “ Samo da rata ne bude““,zaključeno je u saopštenju.