Mornar savladao Igokeu 90:76

Košarkaši Mornara lakše od očekivanog savladali su Igokeu u “Topolici” 90:76, u derbiju 13. kola ABA lige.

foto: ABA liga

Barani su tako sačuvali 1. mjesto na tabeli, imaju skor 11:2, dok je tim iz Laktaša upisao treći poraz.

Gosti su samo na početku bili ravnorapvan rival, u uvodnim minutima su imali u plus sedam 14:7, ali se onda Mornar razgoropadio.

Već do kraja 1. četvrtine je preokrenuo, a onda u drugoj i trećoj dokrajčio rivala. Barani su nakon 30 minuta igre imali plus 20, pa je posljednja dionica bila samo odrađivanje posla.

Džejkob Pulen je predvodio pobjednički sastav sa 19 poena, Ajzea Vajthed je ubacio jedan manje, a dvocifreni su bili još Nemanja Vranješ sa 11, te Keni Gejbrijel sa 10.

Na drugoj strani, istakao se Entoni Klemons sa 18 koševa, Jošilo je dodao 14.